Pages

Monday, February 20, 2012

bommarillu-bhaskar-next-film-with-ram


'బొమ్మరిల్లు భాస్కర్' నెక్స్ట్ ఆ హీరోతో ఖరారు


ఆరెంజ్ చిత్రం ప్లాప్ తో లాంగ్ గ్యాప్ తీసుకున్న బొమ్మరిల్లు భాస్కర్ మళ్లీ రంగంలోకి వచ్చారు. ఆయన తాజాగా ఓ స్క్రిప్టు చేసుకుని హీరోని ఒప్పించుకున్నారు. ఆ హీరో రామ్ అని సమాచారం. మొదట అల్లు అర్జున్ కి చెప్పారు. అయ్యితే డేట్స్ ఇవ్వటానికి చాలా టైమ్ పట్టేటట్లు ఉండటంతో ఈ నిర్ణయం తీసుకున్నట్లు తెలుస్తోంది. అలాగే తమిళ హీరో కార్తీతోనూ చిత్రం అనుకున్నారు. అయితే ఆరెంజ్ మెగా ప్లాప్ తో అదీ మెటీరియలైజ్ కాలేదు. ఊసరవెల్లి నిర్మాత బివియస్ ఎన్ ప్రసాద్ నిర్మించే ఈ చిత్రం మే నుంచి ప్రారంభం కానుంది.

ఇక ప్రస్తుతం రామ్.. కరుణాకరన్ దర్సకత్వంలో ఎందుకంటే ప్రేమంట చిత్రం చేస్తున్నారు. అలాగే మరో ప్రక్క వీరూ పోట్ల దర్సకత్వంలోనూ ఓ చిత్రం కమిటయ్యారు. పవన్ కల్యాణ్ తో ఓకే కానీ ప్రాజెక్టుని రామ్ ఓకే చేసి చేస్తున్నారు. త్వరలోనే వీరూపోట్ల చిత్రం కూడా ప్రారంభం కానుంది. ఇక బొమ్మరిల్లు భాస్కర్ చిత్రం ప్యామిలీ నేపధ్యంలో సాగే యాక్షన్ ఎంటర్టైనర్ అని తెలుస్తోంది. వినోదానికి ప్రాముఖ్యత ఇస్తూనే కుటుంబవిలువలకు ప్రాధాన్యత ఇచ్చే కథ అని చెప్తున్నారు. ఇక ఈ కథతో మళ్లీ బొమ్మరిల్లు నాటి సక్సెస్ ను పొందుతానని భాస్కర్ ధీమాగా ఉన్నారు.

No comments:

Post a Comment