puri-jagannath-cameraman-ganga-role

పవన్ కెమెరామెన్ ‘గంగ’ పాత్రలో పూరి జగన్నాథ్?

పవన్ కళ్యాణ్ హీరోగా దర్శకుడు పూరి జగన్నాథ్ ‘కెమెరామెన్ గంగతో రాంబాబు’ చిత్రం రూపొందించేందుకు సన్నాహాలు చేస్తున్న సంగతి తెలిసిందే. ఇందులో పవన్ కళ్యాణ్ ఎలక్ట్రానిక్ మీడియా జర్నలిస్టు రాంబాబు పాత్రలో కనిపించనున్నాడు. అయితే గంగ పాత్రను ఎవరు చేస్తున్నారు? గంగ అంటే ఆడా..? మగా...? అనే సందేహాలు మొదటి నుంచి ఉన్నాయి. సినిమా టైటిల్ లో కెమెరా‘మెన్’ అని ఉంది కాబట్టి ‘గంగ’ పాత్ర కచ్చితంగా మగ పాత్రే అని స్పష్టం అవుతోంది.

మరి ఈ పాత్రలో ఎవరు నటిస్తున్నారనే దానిపై సినీ వర్గాల నుంచి వినిపిస్తున్న గాసిప్ప్ ప్రకారం గంగ పాత్రలో స్వయంగా పూరి జగన్నాథ్ నటించాలని నిర్ణయించుకున్నట్లు ప్రచారం జరుగుతోంది. బిజినెస్ మేన్ సినిమాలో టాక్సీ డ్రైవర్ గా తెరపై దర్శనం ఇచ్చిన పూరి......ఈ సినిమా ద్వారా నటుడిగా పూర్తి స్థాయిలో తెరంగ్రేటం చేయబోతున్నాడని అంటున్నారు. మరి ఇందులో నిజం ఎంతో మరికొన్ని రోజుల్లో స్పష్టం కానుంది.

ఈచిత్రంలో కాజల్‌ అగర్వాల్‌ను హీరోయిన్ గా ఎంపిక చేసినట్లు తెలుస్తోంది. డివివి దానయ్య యూనివర్శల్ మీడియా బ్యానర్ పై ఈ చిత్రాన్ని రూపొందిస్తున్నారు. ఇప్పటికే స్క్రిప్టు వర్క్ పూర్తయింది. మేలో షూటింగ్ ప్రారంభం అయి, దసరా నాటికి సినిమా ప్రేక్షకుల ముందుకు వచ్చే అవకాశం ఉంది. ప్రస్తుతం పూరి జగన్నాథ్ రవితేజ హీరోగా ‘దేవుడు చేసిన మనుషులు’ చిత్రాన్ని రూపొందించే పనిలో ఉన్నాడు. పవన్ కళ్యాణ్ గబ్బర్ సింగ్ షూటింగులో బిజీగా గడుపుతున్నాడు.